COVID SIANGOLAS

Cara engsek rasa bayune ngenehang,

Orang pesaja,anake ngorang tusing,nanging nyajaang,

Virus ganas nguugang gumi,kanti ngilangang rasa liang,

Ipidan gemuh idup nyama Baline cara anak nungked bangkyang,

Disubane babar grubug penyakit cara jani ,mekejang mesebeng mayang.

 

Saja buka senggake diagete da nigtig tangkah dilacure da mesebeng eling,

Ingetang hidup mula nyalanin karma ane aba uling-uling,

Angsohang nyalanin idup medasar sesana ane rahayu ,apang tusing iraga paling,

Negtegang agama medasar dharma,nyalanin karma ajaak nyama,disebete apang tusing glalang gliling.

 

Gegodan idup cara jani anak liu,pengeng yen sing iraga bisa nitetin,

Olah keneh,olah raga,olah pengupa jiwa gumi gerit masih lampain,

Lascaria nerima titah guru wisesa,to tuwah patut titenin,

Apang iraga ajak mekejang sadya rahayu,apang tusing kanti ngalain,

Sayagaang prokes,yatna nyaga dewek da engsap nunas ica,mogi wastu si covid enggal ngalain.

                                                                    Giri Pendawa,04 Agustus 2021

                                                                      @manixs